Link açıqlığı

Qırım mekteplerinde yılnıñ soñki çañları qaqıldı


Aqmescştniñ mektebinde «soñki çañ» merasimi, arhivden alınğan resim

İşğal etilgen Qırımnıñ mekteplerinde mayısnıñ 25-nde, cumaaqşamı künü «soñki çañ» merasimleri ötkerile.

Cemi sayıda bu sene 11 biñ talebe mektepten mezun ola. Bunı «Sputnik v Krımu» radiosınıñ efirinde Kremlniñ nezaretinde çalışqan Qırım Tasil, ilim ve gençlik naziri Natalya Gonçarova beyan etti.

Mayısnıñ 25-nde tek istilâ etilgen Qırımda degil de, bütün Rusiyeniñ mekteplerinde oquv yılı yekünlene.

Mekteplerde soñki çañlar qaqılğan soñ , mezunlar YGE (yekâne devlet imtianlarını – QA) tapşırmaq ve saylanılğan oquv yurtlarına kirmek kerekler.

Bundan evel, Qırımda mektep bitirgen mezunlarınıñ 47% qomşu Rusiyeniñ YGE imtianlarını tapşırmaycaq olğanı aqqında haber etilgen edi.

Ukraina Yuqarı Radası mayısnıñ 16-nda, vaqıtınca istilâ etilgen topraqlarda yaşağan şahıslar içün qıtaiy Ukrainada aliy tasil almaq aqqını teminleycek №6116 qanun leyhasını qabul etken edi. Bu qanunğa 238 millet vekili qoltuttı.

Ukrainada abituriyentler içün kiriş kampaniyası fevral ayında başlatılğan edi, iyün 19 künüü «Qırım – Ukraina» Maarif merkezleri öz işini başlaycaq. «Qırım – Ukraina» merkezleri Qırımlı abituriyentlerge, tış mustaqil imtianlarını (ZNO) tapşırmadan, Ukrainanıñ 12 aliy oquv yurtına kirmege imkân bere. Bu imkânlar aqqında tafsilâlı şekilde Qırım.Aqiqat öz maqalesinde yazğan edi.

XS
SM
MD
LG