Link açıqlığı

Yuqarı Rada teleyayınlarnıñ 75% ukrain tilinde olması şart olğanını tasdıqladı


Ukraina Yuqarı Radası ekinci oquvda umummilliy telekanallardaki kontentniñ 75% ukrain tilindeki olması şart olğanınen bağlı qanun leyhasını qabul etti. Bu aqta mayısnıñ 23-de Radio Svoboda bildirmekte.

269 halq deputatı mütenasip qanun proyektine qol tuttı.

Qanunğa binaen, saat 7:00-18:00 ve 18:00-22:00 arasında çıqqan umumiy yayınlar ve kösterilgen zaman bölümü arasında ukrain tilindeki yayın, film ve haberlerniñ umumiy müddeti eñ az 75% teşkil etmeli.

Yerli kategoriyada yayınlamağa saip olğan teleradiokompaniyalar efirleriniñ eñ az 50%ni ukrain tilinde yapmalı.

Şartlarğa uymağan teleradiokompaniya litsenziya alımı umumiy miqdarınıñ 5% qadar ceza töleycektir.

Qanun derc etilgen künden itibaren dört aydan soñ küçke kirecek.

Martnın 9-da Ukraina prezidenti Pötr Poroşenko teleyayınlardaki ukrain tili payınıñ arttırılmasınen bağlı qanun qabul etilmesine çağırğan edi.

2016 senesi noyabrniñ 8-de qabul etilgen qanundaki deñişmelerge istinaden, radiostantsiya efirinde çıqqan devlet tilindeki yırlarnıñ sayısı 25%den, ukrain tilinde çıqqan yayınlar sayısı ise, 50% az olmamaq kerek.

XS
SM
MD
LG