Mayısnıñ 25-de işğal altındaki Qırımda «Baar-2017» kampanyası çerçivesinde askerlikke çağırılğan gençler yarımada tışında hızmet etmege yollanacaq. Bu aqta Rusiye Qara deñiz flotınıñ matbuat hızmeti bildirmekte.
«Mayısnıñ 25, cumaaqşamı künü, «Baar-2017» kampanyası çerçivesinde askerlikke çağırılğan gençlerniñ ilk tertibi Aqyar arbiy komissariyatından Qırım Cumhuriyeti ve Aqtar tışında hızmet etmek içün yollanacaqtır», – denilmekte haberde.
Daa evel, işğal altındaki Qırımdan 2017 senesi baar kampanyası çerçivesinde askerlikke çağırılğan yarımadanıñ yigirmige yaqın sakini, Rusiyede askerlik yapacağı aqqında bildirilgen edi.
2017 senesi yanvar ayında Kreml nezaretindeki Qırım akimiyeti, 2015-2016 askerlik kampanyası çerçivesinde Rusiye ordusında hızmet etmek içün 4 biñge yaqın Qırım sakini çağırılğanı aqqında beyan etken edi.
