Link açıqlığı

Kyivde Qırımnıñ azat etilüvinen bağlı konferentsiya ötkerilmekte


Maysnıñ 23-de saba Kyivde yarımadanıñ azat etilüvinen bağlı «Qırımnıñ istilâsı: neticeler, vaziyeti, tahminler» mevzusına bağışlanğan konferentsiya çalışmağa başladı, dep bildire Qırım.Aqiqat muhbiri.

Konferentsiyanıñ kün tertibindeki meseleler – Ukraina siyasetiniñ şekillendirüv yolları: sanktsiyalar üküm sürgen devirde vaqtınca istilâ altında bulunğan topraqlarnıñ iqtisadiyatı ve olar arasındaki transport bağ, ayat keyfiyeti ve mecburen köçken insanlar, yarımadada insan aqlarını zarar berelebilecek yañı musibetler, uquq modeli ve qırımtatar muhtariyeti, esas Ukrainada ğayrıdan meydanğa ketirilgen Qırım territorial idariy organları çalışuv hususiyetleri.

Forumda çetelden kelgen musafirler ve nezaretçiler, cemaatçılar, qırımtatar Meclisiniñ reberiyeti, ekspert, jurnalist, Qırım Muhtar Cumhuriyeti prokuraturasınıñ temsilcileri ve Ukraina halq deputatları iştirak etmekte.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG