Qırımnıñ sabıq baş naziri Anatoliy Mogilöv, Qırımnı azat etüv meselesi Ukraina ve Rusiye akimiyetleri bulunğan şimdiki vaziyetinde çezilmez, dep saya. Bu aqta Mogilöv mayısnıñ 21-de «112 Ukraina» kanalınıñ efirinde söz yürsetti.
«Qırım bügünki künde esapta, bunı bile turıp, Ukrainağa bağlı desek bile, Rusiye Federatsiyasınıñ subyekti vaziyetinde. Men bellesem, Rusiye ve Ukraina akimiyetleriniñ bügün bulunğan vaziyetini esapqa alğan taqdirde, bu mesele yaqın kelecekte çezilmez. Onıñ al olacağından şubelenem», – dep saya Mogilöv.
Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
