Link açıqlığı

Keriçte 1944 senesi sürgünlik qurbanları abidesine sarı ve mavı çiçekler qoyuldı


Keriç, 18 mayıs 2017 senesi

Keriçte 18 mayıs künü demiryol vokzalında, sürgünge oğrağan halqlarnıñ hatırasına qoyulğan abidege çiçekler qoyuldı. Güldesteler arasında sarılı-mavılı soylârı ayırılıp tura edi, dep bildire Qırım.Aqiqat muhbiri.

Keriçte kreml nezaretindeki şeer akimiyeti ve qırımtatar cemaatçılığınıñ temsilcileri, hristiyan ve musulman din erbapları, mektep talebeleri ve studentlerniñ iştirakinen 1944 senesi sürgün etilgen qırımtatar halqınıñ hatırasına bağışlanğan matem mitingi ötkerildi. Kelgen bazı iştirakçilerniñ ellerinde qırımtatar bayrağı da bar edi.

Çiçek qoyuv merasimini yanındaki köpeklerinen beraber rusiyeli politsiya hadimleri taqip etti.

18 mayıs künü esas Ukrainada, işğal etilgen Qırımda ve bir çoq çetel devletlerinde, 1944 senesi qırımtatar halqınıñ sürgünliginiñ qurbanları hatırasına bağışlanğan tedbirler ötkerildi. Bu künü 1944 senesi yarımadadan sürülgen tamır halqnıñ facialı vaqiaları hatırlana. Episi olıp 200 biñge yaqın insan sürülgen edi.

XS
SM
MD
LG