Litva iç bir zaman Rusiye tarafindan işğal etilgen Ukrainağa bağlı Qırım ve Donbasstaki areketlerini tanımaz. Bu aqta 18 mayıs künü Litva Seyminiñ spikeri Viktoras Prantsketis Ukraina mudafaa Naziri Stepan Poltorak ile yapqan körüşüvinde beyan etti, dep bildire Ukraina mudafaa nazirliginin matbuat hızmeti.
«Biz ileride de Avropa yolunı saylağan ve siziñ devletiñizde demokratik esnasnı temin etmege areket etken ukrain halqına qol tutmağa devam etecekmiz. Litva iç bir zaman Rusiye tarafindan işğal etilgen Qırımnı tanımaz ve Rusiye Federatsiyasınıñ Ğarbiy Ukrainadaki areketlerini yaramay dep tanır», – dep qayd etti Prantsketis.
Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
