Link açıqlığı

Klimkin: bizim maqsadımız – qırımtatar halqınıñ faciasını bitirmekten ibaret


Ukraina Tışqı işleri naziri Pavel Klimkin Ukraina qırımtatar halqınıñ çoq yıllıq faciasını bitirmek maqsadında olğanını bildirdi. Bu aqta Klimkin 18 mayıs künü qırımtatar halqınıñ sürgüni munasebetinen «Novoye Vremya» nıñ «Fikir» rubrikasında yazmaqta.

«Bizler öz küreşimizni devam ettirecegimizden emin oluñız. Men er bir körüşüvde bizim çeteldeki dostalarımız ile partnörlarımıznı, Qırım bütün medeniy dünyadan ayırılğan vaziyette bulunğanı ve onıñ qaçınılmaz sayılğan Ukrainağa keri qaytması içün izçen adımlar atmaq kerekligini usanmadan hatırlatıp turam.

Bügün «Bizler epimiz qırımtatarmız! Bizim maqsadımız - çoq yıllar devam etken qırımtatar halqınıñ faciasını bitirmek ve serbest demokratik dünyanı içi qara Rusiye propagandasına qarşı yapılğan küreşte birleştirmekten ibaret», dep yaza o.

18 mayıs künü Ukrainada memorial tedbirlerniñ keçirilmesi planlaştırıla. Er yıl bu künü tamır halq 1944 senesi yarımadadan Orta Asiyağa sürülgeninen bağlı facialı vaqialar hatırlana. Episi olıp 180 bin insan sürülgen edi.

Ukrainada qırımtatarlarınıñ sürgüni genotsid dep tanıldı.

XS
SM
MD
LG