Link açıqlığı

Saatnıñ esas haberi

Aqmescitte qırımtatarlar yaqalanğanı aqqında haber etile


İşğal etilgen Qırımda, Aqmescitniñ merkeziy meydanında qırımtatarlarnı yaqaladılar. Bunı Facebook saifesinde Qırımtatar Milliy Qurultaynıñ MSK reisi Zair Smedlâyev haber etti.

«Şimdi Aqmescitniñ merkeziy meydanında bizim semetdeşlerimiz yaqalanğanı aqqında haber ettiler! Olar arasında Server ağa Karametov, Nariman Cemilev ve Server İzmaylov. Olarnı Merkeziy ROVD binasına alıp keteler», – dep yazdı o.

Qırım.Aqiqat adiseniñ tafsilâtını ögrene.

Rusiye Qırımnı işğal etken soñ yarımadada mustaqil jurnalistler, cemaat failleri, Rusiyede yasaq etilgen «Hizb ut-Tahrir» teşkilâtınen bağlı olğanlarında şeklengen Qırım musulmanları, qırımtatar Milliy areket failleri, Meclis azalarınıñ evlerinde tintüvler sıqlaştı.

Ukrainanıñ qıtaiy qısımında, işğal etilgen Qırımda, ve dünyanıñ çeşit memleketlerine mayısnıñ 18-nde qırımtatarlarnıñ sürgünlik qurbanlarını añuv Künü munasebetinen hatıra merasimleri teşkil etilecektir. Er sene bu künü 1944 senesiniñ faciası añıla, o vaqıt Qırımnıñ tamır halqı yarımdadan Orta Asiyağa sürgün etilgen edi. Cemi sayıda, 200 biñden ziyade adam sürgün etildi.

XS
SM
MD
LG