Ukrain rejissörı Ahtem Seitablayev İvan Frankonıñ eseri esasında «Zahar Berkut» adlı film çıqarmaq niyetinde. Bu aqta o mayısnın 16-da Kyivde «Başqasınıñ duası» («Çujaya molitva») filminiñ kösterüvi esnasında ikâye etti.
«Men rejisssör sıfatında prodüserlenen beraber Goskinodaki pitchingte iştirak etip, İvan Frankonıñ «Zahar Berkut» adlı eseri esasındaki proyekt içün yuqarı ball qazandıq. Bu yıl production aldı, lokatsiya saylâvınen oğraşılacağı, urbalarnıñ tikilecegi, casting keçirilecegi hususlarında añlaştıq», – dep ikâye etti Seitablayev.
Ahtem Seitablayev 1944 senesi qırımtatarlarınıñ sürgüni aqqındaki «Haytarma» filminiñ rejissörı ola. 18 mayısqa onıñ, Ekinci cian cenki yıllarında ölümden 88 eudiy balasını qurtarğan qırımtatarı Saide Arifova aqqındaki «Başqasınıñ duası» («Çujaya molitva») filminiñ premyerası keçirilmesi planlaştırıla.
