Link açıqlığı

Saatnıñ esas haberi

18 mayıs künü Rusiye akimiyetine qalabalıq olğanını köstermek içün Qırımdaki mektep talebeleri derslerden azat etile – Celâl


Numünelik fotoresim
Numünelik fotoresim

Qırımnıñ rusiyeli akimiyeti sürgün qurbanları olğan qırımtatarlarınıñ hatırasına bağışlap teşkil etken 18 mayıs kütleviy tedbirlerinde Kefedeki bir mektepte oquğan yuqarı sınıf talebelerini iştirak etmege mecbur ete. Bu sebepten talebeler dersten azat etile. Bu aqta öz Facebook saifesinde fail Nariman Celâl bildirmekte.

«Kelgen malümatqa köre, Blijneye koyünde yerleşken 15-nci mektepniñ milliy yuqarı sınıf talebelerini yarın dersten azat etip, qalabalıq yaratmaq maqsadınen zabitler Sarayına 18 mayıs künü keçirilecek resmiy tedbirde iştirak etmege mecbur ete ekenler. Men balalar keçmişni hatırlaması tarafdarı olam. Balalar soy-sopınen beraber matem tedbirlerinde iştirak etmesi içün derslerden azat etilgen olsa, men mektep memuriyetine qol tutqan olur edim. Amma bu şekildeki «zorlama» vastasınen bam-başqa maqsatqa erişile», - dep yaza Celâl.

Mektep memuriyeti işbu haber hususında daa iç bir izaat bermedi.

Celâl daa evel bildirgenine köre, Qırımnıñ rusiyeli akimiyeti qırımtatar Hıdırlez bayramı munasebetinen resmiy kütleviy şeñliklerde iştirak etmesi içün bücet muessiselerinde çalışqan hadimlernen beraber diniy erbaplarnı ketirmek niyetinde edi.

18 mayıs künü Ukrainada memorial tedbirlerniñ keçirilmesi planlaştırıla. Er yıl bu künü tamır halq 1944 senesi yarımadadan Orta Asiyağa sürülgeninen bağlı facialı vaqialar hatırlana. Episi olıp 180 bin insan sürülgen edi.

Ukrainada qırımtatarlarınıñ sürgüni genotsid dep tanıldı.

XS
SM
MD
LG