Rusiye nezaretindeki Qırım GİBDD MVD teşebbüsinen yarımadada mayısnıñ 15-30 arasında «Avtobus» şartlı adı altında profilaktika tedbirleriniñ keçirmekni planlaştırıla.
Müessisesniñ matbuat hızmeti bildirgenine köre, DPS müfettişleri avtobus aydavcılarınıñ yol Qaydelerine riayet etkenlerini kontrol etecek.
Haberge binaen söz, avtobusni sarhoş alda qullanuv faktlarını meydanğa çıqaruv, tezlik rejimlerini bozuv, emek ve raatlıq rejimlerini bozuv, şu cumleden şeerlerarası, kezinti marştutlarında yolcu taşıma qaydelerine riayet etüv ve bala gruppalarınıñ kütleviy naqliyesini teşkerüv kibi meseleler aqqında yürsetile. Transport vastalarınıñ tehnikiy vaziyeti ve tehnikiy tekmilligine ayrıca diqqat etilecek.
Bıltır Qırımda yüz bergen 2067 yol qazasında 328 insan elâk olğan, 2758 insan qazalanğan. Aqyarda aynı muddet içinde yüz bergen 667 qazada 76 insan elâk olğan, 841 insan qazalanğan. Ekseriy allarda qazalarda aydavcılar (162 kişi) ve piyadeler (159 kişi) elâk olğan. Ayrıca 119 yolcu ve 13 ayaqmaşna aydavcısı qaza qurbanı olğandır.
