Rusiye prezidenti Vladimir Putin Rusiyeniñ 2030 senesinece üküm sürecek iqtisadiy telikesizlik strategiyasını tasdıqladı. Bunen bağlı emir uquqiy malümat portalında derc etilgendir.
«Rusiye ükümeti 3 aylıq müddet içinde Rusiyede 2030 senesinece üküm sürecek iqtisadiy telükesizlik strategiyasıniñ ömürge keçirilüvinen bağlı teşkiliy, normativ-uquqiy ve metodik şartlarını qaplağan tedbirlerni işlep çıqarsın», – denilmekte vesiqada.
Bunıñ arfesinde, işbu iqtisadiy telükesizlik strategiyası «devletniñ milliy menfaatlarını telükege soqqan yañı şartlarğa» bir cevap olaraq azırlanğanı haber etilgen edi. Bu areketler resurs ve hammade, istisal, ilmiy-tehnologik ve buhranlı adiselerniñ ögüni almaq ve «vatandaşlarnıñ ayat seviyesini tüşmesine yol bermemek» maqsadınen yapılmaqtadır. Ondan ğayrı bu strategiya, ğarp sanktsiyaları kirsetilgen taqdirde cevap tedbirleri mehanizmleriniñ mükemmelleştirilmesi olaraq közde tutulmaqtadır.
