Link açıqlığı

Ankarada qırımtatarlarnıñ sürgüni hatırasına miting ötkerildi


Türkiyeniñ paytahtı Ankara şeerinde mayısnıñ 13-nde cumaertesi künü qırımtatarlarnıñ sürgünlik qurbanları hatırasına matem mitingi ötkerildi. Failler, ellerinde qırımtatar milliy bayraqlarını tutıp, Ankaranıñ merkezine Anadolu meydanına çıqtılar.

Qırımtatar Milliy Meclis reisi Refat Çubarov ve Ukrainanıñ Türkiyedeki elçisi Andriy Sıbiga sanadan merasim iştirakçilerine muracaat ettiler.

Sıbiga: «Ankarada qırımtatarlarnıñ sürgünlik qurbanlarını añuv Künü munasebetinen ötkerilgen mitingte sözge çıqmaq şerefine nail oldım. Sarsılmaz qırımtatar halqına qayğıdaşlıq ve birdemligimi bildirem», – dep yazdı Twitterde.

Ukrain elçisiniñ çıqışını Türkiyedeki Ukraina elçihanesiniñ matbuat hızmeti yayınladı.

2016 senesi de mayısnıñ 14-nde Ankranıñ merkezinde Anadolu meydanında qırımtatarlarnıñ sürgünlik qurbanları hatırasına miting ötkerilgen edi.

Ukrainada mayısnıñ 18-nde qırımtatarlarnıñ sürgünlik qurbanlarını añuv Künü munasebetinen hatıra merasimleri teşkil etilecektir. Er sene bu künü 1944 senesiniñ faciası añıla, o vaqıt Qırımnıñ tamır halqı yarımdadan Orta Asiyağa sürgün etilgen edi. Cemi sayıda, 180 biñ adam sürgün etildi.

Ukrainada qırımtatarlarnıñ sürgünligi genotsid olaraq tanıldı.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG