Link açıqlığı

Mayısnıñ 12-de Kyiv sport sarayında yırcı Jamalanıñ kontserti ötkerildi. Yañı programma, onıñ ilk defa yırlağan aynı isim altındaki single adınen aynı olıp, «I Believe in U», dep adlandırılğan edi.

Aynı sanağa «Golos krayinı» şousında Jamala vasiylik yapqan qırımlı Naile İbraimova da çıqış yaptı.

Jamalanıñ çıqışında ayrıca özüniñ ve ömür arqadaşı Bekir Suleymanovnıñ ana-babası, qırımtatar Meclisiniñ temsilcileri, ukrain failleri ve siyasetçileri bar edi.

Mayısnıñ 9-da Jamala «Eurovision 2017» yarışınıñ ilk yarıfinalında çıqış yapqan edi. O, «Zamanili» ve bıltır İsviçrede oña ğalebe qazandırtqan «1944» adlı türkülerni icra etti.

Jamala 2016 senesi İsviçrede keçken «Eurovision»da ğalebe qazanğan edi. O, «1944» adlı türküni yırlap ğalebe qazandı. Ukrain yırcısı ğalebe qazanğanı sebebinden, 2017 senesiniñ yarışı Kyivde keçirilmekte.

XS
SM
MD
LG