Link açıqlığı

Ankarada qırımtatarlarnıñ sürgünlik qurbanlarını añuv Kününde miting olacağını ilân ettiler


Türkiyeniñ paytahtı Ankara şeerinde mayısnıñ 13-nde cumaertesi künü qırımtatarlarnıñ sürgünlik qurbanlarını añuv Künü munasebetinen miting ötkerilecek. Bunı Twitterde Ukrainanıñ Türkiyedeki elçihanesi bildire.

Olarnıñ malümatına köre, merasimde Qırımtatar Milliy Meclis reisi Refat Çubarov ve Ukrainanıñ Türkiyedeki elçisi Andriy Sıbiga iştirak etecekler.

«Bügün saat 13:30 Ankarada qırımtatarlarnıñ sürgünlik qurbanlarını añuv Künü munasebetinen miting ötkerilecek. Qırımtatar Milliy Meclis reisi Refat Çubarov ve Ukrainanıñ Türkiyedeki elçisi Andriy Sıbiga iştirak etecekleri beklenile», – dep aytıla bildirüvde.

Ukrainada mayısnıñ 18-nde qırımtatarlarnıñ sürgünlik qurbanlarını añuv Künü munasebetinen hatıra merasimleri teşkil etilecektir. Er sene bu künü 1944 senesiniñ faciası añıla, o vaqıt Qırımnıñ tamır halqı yarımdadan Orta Asiyağa sürgün etilgen edi. Cemi sayıda, 180 biñ adam sürgün etildi. Ukrainada qırımtatarlarnıñ sürgünligi genotsid olaraq tanıldı.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG