Link açıqlığı

Yıl devamında Rus Qara deñiz Flotınıñ yüzlernen askeri Qırımda ipoteka ile daire satın aldı – Rusiye Mudafaa nazirligi


Nümünelik resim

Rusiye Qara deñiz Flotınıñ Aqyarda ve Qırımda hızmet etken askerleri, işğal etilgen Qırımda ipoteka programmasınen faydalanıp, 2016 senesi mart ayı ve 2017 senesi mart ayı arasında 300-den ziyade daire satın aldı. Böyle raqamnı Rusiye Mudafaa nazirligi seslendirdi.

«Aleksey Mihaylov («Yugregionjilyö» FDRM 1-ci bölüginiñ reberi – QA) tarafından berilgen malümatqa köre, mart 2016 ve mart 2017 arasında İpoteka toplav sistemasına 1060 asker qoşuldı. Ve 450 asker meskenniñ alınılması aqqında şeadetname elde etti. Bundan da ğayrı, işbu müddet devamında İTS iştirakçileri Aqryar ve Qırımda 322 daire aldı», – dep haber etile.

Yarımada Rusiye tarafından işğal etilgen soñ ekspertler, Qırım ve Aqyarda eali sayısı artqanını qayd eteler. Olar bu vaziyetni «şeerniñ suratnen Rusiye tarafıından arbiyleştirilmesinen» bağlaylar. «Ukrainskiy Meridian» Cemaat tedqiqatlar Merkeziniñ müdir muavini Aleksey Turgan, Aqyarğa köçip kelgenlerniñ sayısı ayda 2,5-3,5 biñ insannı teşkil etkenini bildirgen edi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG