Link açıqlığı

Çubarov: Ukraina Anayasa komissiyası toplaşuvında Qırım qısmındaki deñişmeler muzakere etilecek


Mayısnıñ 11-de Ukraina prezidentı memuriyetinde Anayasa komissiyasınıñ toplaşuvı ötkerilecek. Beklenilgeni kibi anda, Ukraina Anayasasına Qırım Muhtar Cumhuriyetinen bağlı deñişmeler ve ilâveler kirsetilmesiniñ tertibi muzakere etilecek. Bu aqta özüniñ Facebook saifesinde qırımtatar halqı Meclisiniñ reisi Refat Çubarov yazmaqta.

«Men bellesem, toplaşuv yalıñız Ukraina Anayasasınıñ «Qırım Muhtar Cumhuriyetinen»bağlı X maddesinde yapılacaq deñişme ve ilâvelerniñ azırlanuvınen degil de, buña bağlı olacaq bazı diger meselelerniñ uquqiy taraflarınıñ tedarik etecek İş gruppasınıñ teşkil etilmesinen yekünlenir.Kvorum toplanır, dep ümüt etem», – dep ilâve etti Çubarov.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG