Aqmescitniñ Demiryol rayon mahkemesinde qırımlı jurnalist Nikolay Semenanıñ davası boyunca nevbetteki toplaşuv ötkerile. Bunı mayısnıñ 10-da Qırım.Aqiqat muhbiri bildire.
Toplaşuvda eki şaatnıñ zorlap ketirilmesi beklenile. Bu sırada, Nikolay Semena soraştırılğanını talap etken Sergey Meşkovoy da mahkemege ketirilecektir.
Bundan evel mayısnıñ 3-de ötkerilgen toplaşuvda, şaatlarnıñ kelmegeninden sebep taplaşuv bügünge keçirile ve o şaatlarnı zorlap ketirilmesine qarar alına.
Dekabrni 7-de taqiqatçı jurnalist Nikolay Semenağa Rusiye Cinaiy kodeksiniñ 280.1 maddesiniñ 2-nci qısmındaki «Rusiye Federatsiyasınıñ topraq bütünligini bozacaq areketlerge açıq çağıruv yapması» ile qabaatlanğanını aydınlattı. Taqiqatçı tizgen cinaiy iş 6 cılttan ibaret.
FSB sorğusında Nikolay Semena yazğan işlerinde «fikirini bildirme» aqqını qullandı, dep bildirile.
Ukraina Tışqı işler nazirligi işğal etilgen Qırımda Ukraina vatandaşları, şu cümleden Nikolay Semenanıñ taqip etilmesinden qasevetlengenini bildirip, oña qarşı yapılğa basqını toqtatmağa çağıra.
Mayısnıñ 3-de Matbuatnıñ serbestlik künü qayd etile. Ukrainanı, KHV işleri ceetinden, qısmen serbest olğan memleketler sırasına qoyalar, işğal etilgen Qırım ise – matbuatnıñ serbestligi ve jurnalistlerniñ işi içün eñ fena vaziyette olğan beş bölgelerden biri sayıla.
