Link açıqlığı

Saatnıñ esas haberi

Poroşenko Qırım istilâsını Hitler idaresindeki Almaniya tarafından başqa territoriyalarnıñ zapt etilmesinen qıyasladı


Ukraina prezidenti Petro Poroşenko
Ukraina prezidenti Petro Poroşenko

Ukraina prezidenti Petro Poroşenko Qırım istilâsını Ekinci dünya cenki devrinde Hitler idaresi altındaki Almaniya tarafından Avropanıñ diger devletlerini zapt etmesinen qıyasladı.

«Jamala «Eurovisionda» qazanğan ğalebesinen qırımtatarlarınıñ taqdirine, özüniñ ufaq vatanı olğan – ukrain Qırımına bütün dünyanıñ diqqatını çekti. Aman-aman seksen yıl evelsi Hitler idaresi altındaki Almaniya başqa territoriyalarnı zapt etkeni kibi, Putin idaresi altındaki Rusiye işğal etip alğan Qırımğa çekti», - dep yaza Ukraina prezidenti Twitter de.​

Avropanıñ kelecegi telükesiz olması içün ancaq «Rusiye ve Ukraina arasından keçken sıñırda tınçlıq olsa» mumkün olur, dep ilâve ete o.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG