Link açıqlığı

Sudaq meclisiniñ yolbaşçısı: FSBda oğlumnı aqşam çıqarıp yibereceklerini ayttılar


Sudaq rayon meclisiniñ reisi İlver Ametov bidirgenine köre, FSB onıñ oğlunı aqşam çıqarıp yiberecegine vade etken. Bu aqta mayısnıñ 8-de Ametov Qırım.Aqiqatqa bergen izaatında ikâye etken.

«FSBge telefon ettim. Tanış olmağan maskalı insanlar oğlumnı malüm olmağan bir tarafqa alıp kettiler dedim. Olar maña: protsedura keçsin, teşkerilsin, qasevet etmeñiz, aqşamğa doğru çıqarıp yiberermiz dep ayttılar», - dedi Ametov.

Daa evel, mayısnıñ 8 bazaertesi künü, uquq qoruyıcılar Sudaq rayon meclisiniñ reisi İlver Ametov evinde tintüv keçirerek, oğlunı köteklegen ve malüm olmağan bir tarafqa alıp ketkenler.

Rusiye nezareti altındaki uquq qoruma idaresi tintüv ve tutılıp alınğanlar aqqında daa bir izaat bermedi.

Rusiye Qırımnı işğal etken soñ yarımadada mustaqil jurnalistler, qırımtatar failleri, Rusiyede yasaq etilgen «Hizb ut-Tahrir» teşkilâtınen bağı olmasında şeklengen Qırım musulmanları ve Meclis azalarınıñ evlerindeki tintüvler sıqlaştı.

XS
SM
MD
LG