Link açıqlığı

Qırmda Aqyar gemi tersanesiniñ şahsiyleştirilmesine qarar berildi


Aqyarnıñ qomşu Rusiye mudafaa nazirligine bağlı «13 tersane»siniñ (13 sudoremontnıy zavod) Birleşken gemiqurucılıq korporatsiyasına berilmesine qarar berildi.

İşhaneniñ baş muendisi Aleksandr Yuryev «RİA KRIM»ğa bildirgenine köre, şimdiki vaqıtta Rusiye prezidenti tarafından işhaneniñ şahsiyleştirilüvi hususındaki qararnıñ uyğunlaştırılması yapılmaqta.

Şahsiyleştirilgen ve BGKğa (OSK) keçirilgen soñ zavod, devlet programması mucibi yañartuv ve fondlarınıñ deñiştirilmesinen bağlı maddiy tardım alabilecek. İşhane ayrıca sade gemilerniñ temiri ve qurulmasına da celp etilebilecek, - dep bildire Yuryev.

Onıñ bergen malümatına istinaden, zavodnıñ tolusınen yañartılması içün tahminen 5,5-8 milliard ruble kerek olacaq.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG