Link açıqlığı

Saatnıñ esas haberi

Cemilev: «Qırım keri qaytqan soñ İşviçre derecesine yeter»


Qırımtatar halqınıñ lideri Mustafa Cemilev, «Qırım işğalden soñ keri qaytqanında İsviçre derecesine yeter», dep saya. Bu aqta o ukrain «Ukrinform» agentligine bildirmekte.

«Bizler Qırımnıñ er bir millet içün komfortlı yer olğanını isteymiz. Men bellesem, Qırım keri qaytqan soñ er şey deñişir, işğalden evel olğanı kibi olmaz», - dep ayta Cemilev.

Onıñ aytqanına köre, «Qırım cumhuriyeti tiklenmesi ve bütün milletler iç bir zulum körmeden inkişaf etmesi içün» er şey yapmaq kerek.

«Qırımnıñ İsviçre derecesine kelmesi içün er şey bar ve o, insanlar bahtlı olacaq, raatlanacaq ve iç bir türlü dava olmaycaq eñ cazibeli bir yerge çevirilmeli», - dep ilâve etti Cemilev.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG