Link açıqlığı

Qırım 111 dane yañı trolleybus teslim aldı - akimiyet


Qırım işhanesi olğan «Krımtrolleybus» lizing programması çerçivesinde 111 dane trolleybus teslim aldı. Bu aqta mayısnıñ 7-de Kreml nezareti altındaki Qırım transport naziri Aleksandr Rıbak beyan etmekte.

«Krımtrolleybus» ahır-soñu 111 dane trolleybus teslim aldı, şu cumleden 10 danesi küşlü ve mustaqil areket etken, 17 danesi ise – şeer trolleybus yolunda işletilecek mustaqil areket etken soylarındandır», – dep beyan ete Rıbak.

Daa evel bildirilgeni kibi, Aqmescitte eki dane yañı trolleybus yolu açılğan edi. Ondan evel, şeerde çalışqan 25 marşrutnı fiyatları sabit olmağan tarifke keçirmege niyetlengenlerinen bağlı malümat peyda olğan edi.

Fevral ayında Aqmescitniñ Rus akimiyeti, şeerdeki içtimaiy taqliyatnıñ bilet fiyatlarını arttırmaqnı tüşüne edi. Bir yürme içün 20 ruble (tahminen 9-10 grivnâ) tölenmek kerek olacağı tüşünüle edi.

XS
SM
MD
LG