Halq deputatı Anton Geraşçenko, Ukraina qanunlarını bozıp Qırımnı ziyaret etken rusiyeli muhbirler, «Eurovision-2017» yır yarışı aqqında haber azırlamaq içün Ukrainağa kirsetilmeycegini beyan etti. Bu aqta Geraşenko mayısnıñ 7-de özüniñ Facebook saifesinde yazmaqta.
«Kyivde Yevrovideniyede akkreditasiyası olğan, lâkin daa evel Ukraina sıñırını bozıp, qanunsız şekilde Ukrainağa bağlı Qırımnı ziyaret etken rusiyeli muhbirlerniñ iç birisi devletimiznñ territoriyasına kirsetilmeycek», - dep yaza Geraşçenko.
«Eurovision-2017» yarışınıñ yarıfinalı mayısnıñ 9 ve 11-de, finalı ise, mayısnıñ 13-de Sol saildeki Halqara sergi merkezinde keçirilecek. Ukrainanı bu yıl Yevrovideniyede Time türküsinen О.Тorvald gruppası temsil etecek.
Yarışta 43 devlet temsilcisi iştirak etecek ve bu soñki yıllardaki eñ yüksek köstergiç esaplana. Aynı zamanda, «Eurovisionda» Rusiye temsilcisi olğan Yuliya Samoylovanıñ işğal altındaki Qırımda kontsertler bermesi sebebinden Ukraina SBUsı tarafından memleketimizge kirmesi yasaqlanğandır.
