Link açıqlığı

Rusiyede Qırımğa dair Avropa Şurasınıñ qararını eda etmeycek olalar


Rusiye Tışqı işler nazirligi, Avropa Şurası Nazirler komitetiniñ işğal etilgen Qırım ve Aqyarğa dair alğan qararını izaatladı ve işbu qararnı eda etmeycegini beyan etti. Rusiyeniñ MİD izaatı matbuat hızmeti tarafından mayısnıñ 5-de derc etildi.

«Rusiye özüni, Nazirler komitetiniñ alğan qararınen bağlı olğanını tüşünmey. Ve yayacaq propagandasında Ukraina tarafından bu qararnıñ qullanılmasını uquqiy saymaymız. Bizler içün olar, rizadan tış olğanları içün, siyasiy ve adliyeviy ceetten yoq derecedeler», – dep bildirgen Rusiye Tİ Nazirligi.

Matbuat hızmetinde deyler ki, Rusiye Ukrainağa qarşı eki qarar qabul etmek teşebbüsinen çıqmaq niyetinde.

«Öz tarafımızdan AŞNK muzakeresine Minsk ceryanınıñ destegi ve Ukrainada insan aqlarınıñ bozıluvı aqqında qarar leyhalarını teklif ettik. Komitetniñ nevbetteki toplaşuvında olarnıñ tetamatnen muzakere etileceklerine ümüt etemiz», – denile Rus nazirliginde.

Avropa Şurasınıñ idare organı – Nazirler komiteti – keçende, mayısnıñ 3-de Strasburgta Qırımdaki vaziyetke dair qarar qabul etti. Rusiyege qarşı bir sıra talaplar seslendirildi. Ayrıca, Qırımtatar Milliy Meclisiniñ yasapınıñ lâğu etilmesi, onıñ liderleriniñ işğal etilgen Qırımğa kirsetilmesi, insan aqlarınıñ bozıluvını ve azlıqnı teşkil etken halqlarnıñ taqip etilmesiniñ toqtatılması, Avropa Şurasınıñ uquq qorçalav müessiselerini yarımadağa yibermesi talap etilmekte.

XS
SM
MD
LG