Link açıqlığı

Dört devlet Ukrainanıñ territorial bütünliginiñ bozulması telükesi sebebinden AB sanktsiyalarına qoşuldı


Ukraina, Qaradağ, Arnavutlıq ve Norvegiya olmaq üzre dört devlet martnıñ 13-de Ukrainanıñ territorial bütünligi bozulması telükesi sebebinden AB kirsetken sanktsiyalarğa qoşuldı. Bu aqta AB Şurasınıñ saytındaki beyanatta söz yürsetilmekte, dep bildire Azatlıq Radiosı.

«Şuranıñ qararına binaen sıñırlav tedbirleri 2017 senesi sentâbrniñ 15-ne qadar devam ettirilmekte. Bu, Ukrainanıñ territorial bütünliginiñ bozulması, suverenitetinen mustaqilligine zarar bermesi ve telükege kirmesine sebepçi olğan şahış ve teşkilât varlıqlarınıñ toñdurılması ve areket etüvlerini yasaqlağan tedbirlerni qaplamaqtadır. Haberde, namzet olğan Karadağ ve Arnavutlıq devletleri ve Avrupa iqtisadiy birligine kirgen Norvegiya, ayrıca Ukraina bu qararğa qoşulğandır», - denilmekte.

Beyanatta ayrıca, sanktsiyalarğa qoşulğan devletler öz milliy siyasetlerini AB Şurasınıñ sanktsiyalarnen bağlı qararına uyğun olacaq şekilge ketirilmeli denilmekte.

Martnıñ 13-de Avrupa birliginiñ Şurası, Avrupa birligi tarafından Ukrainanıñ territorial bütünligi bozulması, suverenitetinen mustaqilliginiñ telükege kirmesinen bağlı kirsetken sıñırlav tedbirlerini daa yarım yılğa uzatqan edi. Olar 2015 senesi sentâbrniñ 15-ne qadar devam etecek. İşbu sanktsiyalar 150 şahış ve 37 teşkilât varlıqlarını toñdurıp, AB kirişlerini yasaqlamaqta.

İşbu sıñırlav tedbirleri Ukrainadaki buhran sebebinden Avrupa Birliginiñ bir reaktsiyası olaraq 2014 senesi mart ayında kirsetilip, soñki sefer 2016 senesi sentâbr ayında uzatılğan edi. Olar bir taraftan Rusiye iqtisadiyatınıñ sabit saalarına yönelgen iqtisadiy sanktsiyalarnı qaplap, 2017 senesi iyülniñ 31-ne qadar devam etecek.Diger taraftan Qırım ve Aqyarnıñ istilâsınen bağlı sıñırlav tedbirleri olaraq 2017 senesi iyun ayınıñ 23-ne qadar devam etecek.

XS
SM
MD
LG