Link açıqlığı

Ermeni Bazarda ekim ve ocalar yetişmey – Qırım akimiyeti


Kreml nezareti altındaki Ermeni Bazar akimiyeti şeerde ekim ve oca yetişmegeni aqqında bildirmekte. Bu aqta mayısnıñ 4-de videokonferentsiya esanasında Rusiyege bağlı Ermeni Bazar memuriyetiniñ yolbaşçısı Vasiliy Telijenko ikâye etti dep bildire Qırımdaki Rusiye ükümetiniñ «ruporı» olğan «Krıminform» saytı.

«Şeerimizniñ hastahanesi 20den ziyade ekimge, tasil saasında da bir o qadar ocağa muhtac. Bu yılnıñ soñunda biz ilâve bala bağçası açacaq olamız, demek bizim daa 50-70 ocağa ihtiyacımız olacaq», - dey Telijenko.

Onıñ sözlerine köre, Ermeni Bazarnın Rusiyege bağlı memuriyeti mekteplerden mezun olacaqlar arasından tibbiyet ve pedagogika fakultetlerine kirecek talebelerni saylâmaqta.

2017 senesiniñ başında Qırımda kadrlar yetişmegeni aqqında aytılğan edi. Kreml nezareti altındaki afatlar tibbiyeti ve tibbiy yardım Qırım cumhuriyet merkeziniñ müdiri Sergey Astankin «acele yardımnıñ» kadr terkibinde biñ kişilik«eksik» bar dep esaplağan edi.

İşğal altındaki Qırımda tibbiyet saasındaki mutehassıslarnıñ yetişmemezligi aylıqlarnıñ pek az olmasınen bağlanmaqta.

XS
SM
MD
LG