Kreml nezareti altındaki Qırım yolbaşçısı Sergey Aksönov Qırımnıñ rusiyeli İctimaiy palatasınñ 12 azasını tayin etti. Bu aqta Qırım ükümetiniñ saytında yer alğan Aksönov çıqarğan fermannıñ metininde söz yürsetilmekte.
«İlâve mücibi Qırım İctimaiy palatası terkibiniñ üçte biri tayin etilsin»,- denile fermannıñ metninde.
Qırım İctimaiy palatası 2014 senesi iyün ayında teşkil etilgen edi. Onıñ resmi maqsadı Rusiye nezareti altında bulunğan Qırım akimiyetinen yarımada sakinleri arasında munasebetni temin etmekten ibaret. İctimaiy palatağa Qırım parlamentiniñ sabıq deputatı, «Yedinaya Rossiya» azası Grigoriy İoffe yolbaşçılıq yapmaqta.
