Mayısnıñ 10nen 28-zi arasında İvan Kavalerdzeniñ muzey-ustahanesinde yaş ressam Sergey Burbelonıñ «Qırım» («Qırım.Ukraina») adlı boyalı resim sergisi ötkerilecek. Bunı ressamnıñ matbuat hızmeti bildirmekte. Qırım boylâp kezgende ressam belli olğan yerlerni ziyaret ete, ancaq anda da tenbel turistler kirip olamağan yerler de mevcut. Belli bir vaqıt anda qala, açıq kök tübünde geceley, «topraqnı» is ete. İşte bu yerden itibaren– yani tedqiq obyekti olğan yernen doğrudan-doğru alâqa qurulğan soñ – «asırlar boyu sürgen mevzunıñ «ögrenilüviniñ» icadiy añlama yolu başlay», - dep yaza sergi aqqında Dnepropetrovskbediy muzeyiniñ ilmiy hadimi Olga Şçerbina.
Mart ayınıñ başında sergi Dnepropetrovsk bediy muzeyinde kösterilgen edi. Kyivde sergilengen soñ, Sergey Burbelonıñ bediy proyektiniñ çetelde de kösterilmesi planlaştırıla.
