Link açıqlığı

Beyazrusiye ve Estoniya musulmanlarınıñ muftileri Qırımnı ziyaret etti – İsmagilov


Beyazrusiye musulmanlarınıñ muftisi Abu-Bekir Şabanoviç ve Estoniya musulmanlarınıñ muftisi İldar Muhamedşin işğal etilgen Qırımnı ziyaret ettiler. Bu aqta öz Facebook saifesinde Ukraina musulmanlarınıñ «UMMA» Diniy idaresiniñ muftisi Said İsmagilov bildirmekte.

«Beyazrusiye musulmanlarınıñ muftisinen Estoniya musulmanlarınıñ muftisiniñ işğal etilgen Qırımda ne işleri bar? Bağçasarayda Gasprinskiy muzeyinde yapılğan kitap tanıtuvınen bağlı taze haber kördim. Açqanımda baqsam, fotoresimde yerli diniy erbaplarnen beraber Beyazrusiye musulmanlarınıñ muftisi Abu-Bekir Şabanoviç ve Estoniya musulmanlarınıñ muftisi İldar Muhamedşinni körem», - dep yaza o.

Qırım.Aqiqat Ukraina MİD idaresinden bu meselenen bağlı izaat almağa tırışa.

2014 senesi Ukraina cinaiy kodeksine №332-1 maddesi kirsetilgen edi. O maddede vaqtınca işğal etilgen Ukraina territoriyasına kiriş ve çıqışnı bozğanlar içün mesuliyet tayin etilgeni aqqında söz yürsetilmektedir.

Daa evel Ukraina MİD idaresi muracaat derc etkende, çetel vatandaşları ve vatandaşlığı olmağan sahıslarnıñ Qırımğa qanunsız kiriş yapmamalarınen bağlı tenbiyelegen edi.

XS
SM
MD
LG