Link açıqlığı

Keriçli şirket aylıq borçlarını tölemege mecbur etildi


Qırımda «Tral» şirketiniñ sabıq işçilerine aylıq borçları ve keç qalğan muddeti içün tazminat tölendi. Tölengen paralarnıñ miqdarı 150 biñ rubleni (68 biñ grivna civarında) teşkil etmekte.

Bu aqta Moskva nezareti altındaki Qırım prokuraturasınıñ matbuat hızmeti bildirmekte.

Muessisede bildirilgenine köre borç, işçiler işten boşatılğan künü ödenmege sebebinden taa keçken yılnıñ noyabr ayından berli toplanğan eken.

Rusiyeniñ memuriy qanun bozuv Kodeksiniñ 6 q. 5.27 maddesi mücibi (iş munasebetleri çerçivesinde cinaiy areketleri olmağan alda, belgilengen muddet içinde aylıq ve diger tölevlerniñ tolusınen ya da qısmen ödenmemesi) işçi aqqını bozğan müdürge qarşı memuriy ceza davası açılğandır.

XS
SM
MD
LG