Link açıqlığı

Polozov Washingtonda qırımtatarlarınıñ problemaları aqqında ikâye etecek


Nikolay Polozov, arhivden alınğan fotoresim

Rusiyeli advokat Nikolay Polozov Washingtonnı ziyaret etkende işğal altında bulunğan Qırımdaki qırımtatarlarınıñ problemaları aqqında ikâye etecek. Bu aqta Polozov Twitter saifesinde bildirmekte.

«Yaqın künlerde Washingtonda olacam. Qırımtatarlarınıñ problematikasınen bağlı pek çoq işim bar. Ayrı keyslernen bir sırada umumiy meseleler de bar«, - dep yaza advokat.

Rusiyeli advokat Nikolay Polozov istilâ altındaki Qırımda taqip etilgen qırımtatar halqı Meclisi reisiniñ yardımcıları Ahtem Çiygoz ve İlmi Umerovnıñ imayecisidir.

Qırım işğal etilgen soñ, mustaqil jurnalistler, qırımlı failler, qırımtatar halqı Meclisiniñ azaları ve Rusiyede yasaq etilgen «Hizb ut Tahrir» teşkilâtınen bağlılığında şeklengen Qırım musulmanlarınıñ evlerinde kütleviy şekilde pek sıq tintüvler keçirilip başladı. Ukraina Tışqı işler nazirligi işğal altındaki Qırımda Ukraina vatandaşlarınıñ taqip etilüvinen bağlı raasızlığını bildirip, olarğa yapılğan basqını bitirmelerine çağırğan edi. Aynı zamanda MİD halqara cemaatçılıqqa muracaat eterek, insan aqları ve söz serbestligini bastırmaq içün Rusiye totalitar usullarnı qullanmaması ve ukrain siyasiy mabüslerinen reineleriniñ epsini azat etmesine mecbur etmek maqsadınen oña qarşı imkân çerçivesindeki bütün uquqiy ve siyasiy basqı şekillerini qullanmasını rica etken edi.

XS
SM
MD
LG