Link açıqlığı

Merkel Putinnen körüşmek içün Rusiyege keldi


Almaniya kantsleri Angela Merkel Rusiyeniñ Soçi şeerine memelketniñ prezidenti Vladimir Putinnen körüşmege keldi.

Bir künlük ziyareti devamında Merkel (Rusiye 2014 senesi Ukrainağa bağlı Qırımnı işğal etkeninden soñ bu onıñ ekinci teşrifidir) diqqatını Ukrainanıñ şarqında ve Suriyedeki dava üzerine celp etecek, dep bildire onıñ temsilcisi Shteffen Zajbert.

Onıñ sözlerine istinaden, eki raundlıq körüşüv arasında Kyiv vaqtına köre saat 15:30 Merkel ve Putin SMİ (KHV) temsilcilerinen körüşecekler.

Körüşüv esnasında eki lider iyülniñ 7-8 arasında Gamburgta ötkerilecek «Grup 20» sammitine yapılğan azırlıqnı da muzakere etmek kerekler.

Körüşüvden soñ aynı künü Putin AQŞ prezidenti Donald Trump ile telefon vastasınen körüşecek.

Körüşüv Moskva ve Ğarp arasındaki munasebetler kergin olğan maalde keçecek.

Merkel Putinnen halqara tedbirlerde körüşken edi, lâkin Rusiyege soñ defa 2015 senesi mayıs ayında barğan edi.

Almaniyanen Rusiye arasındaki munasebetler 2014 senesi, Moskva qanunsız şekilde Ukraina toprağı olğan Qırımnı işğal etip, Ukraina şarqındaki boyeviklerge qol tutıp başlağandan soñ kerginleşken edi.

XS
SM
MD
LG