Link açıqlığı

Aqmescitte afta içinde üç kere Ğalebe paradını repetitsiya yapmağa niyetleneler


Aqmescitte 3, 5 ve 7 mayıs künleri Ğalebe paradınıñ repetitsiyası ötkerilecek. Bu aqta mayısnıñ 2-de Kreml nezareti altındaki şeer mumuriyeti bildirmekte.

Repetitsiya vaqtında Aqmescitte mayısnıñ 5-de saat 20.00 başlap mayısnıñ 6-sı saat 02.00 qadar Kirov prospektindeki (Amet-Han Sultan meydanınen Kuybışev meydanı arasında) yol qapatılacaq. Aynı saatta mayısnıñ 7 ve 8 arasında da bu aradaki yol qapalı tutulacaq.

Ğalebe paradı mayısnıñ 9-da Qırımnıñ Aqyar, Keriç ve Aqmescit olmaq üzre üç şeerinde keçirilecek.

Rusiyede mayısnıñ 9 Qızıl ordunen sovet halqınıñ natsist Almaniyağa qarşı yapılğan cenkte Ğalebe qazanılğan kün olaraq qayd etile.

Ukrainada mayısnıñ 9 1939-1945 seneleri Ekinci dünya cenkinde natsizm üzerinden qazanılğan Ğalebe künü olaraq qayd etile. İşbu hatıra kününi 2015 senesi aprelniñ 9-da Ukraina Yuqarı Şurası kommunizmden qurtulma siyasetini uyğulamaq (dekommunizatsiya) maqsadınen saylâğan edi.

XS
SM
MD
LG