Amerikadaki qırımtatar dernegi New Yorktaki qırımtatar sürgünliginiñ qurbanları abidesini ğayrıdan tiklemek içün para topladı. Bunı Qırımtatar Milliy Meclisiniñ azası Gayana Yüksel Facebookta yazdı.
«1944 senesi qırımtatar sürgünliginiñ qurbanları abidesi New Yorkta baqılmay, taşları tüşti, basamaqları qırıldı, tamir etilmek kerek. Toplanğan sermiya abideniñ tamir etilmesine sarf etilmeli», – dep yazdı Yüksel.
Onıñ aytqanına köre, aqşam çerçivesinde qırımtatar milliy eşyaları numayış etildi ve satıldı. Dernek reisi Nariman Asanovnıñ ricası ile «Cry of the indigenous Crimean Tatars in occupied Crimea» filmi kösterildi.
