Link açıqlığı

Saatnıñ esas haberi

Birleşken Milletlerde qırımtatarlarğa munasebet deñişkenini laf etecekler – Ceppar


Birleşken Milletlerniñ Baş Assambleyasınıñ 21-inci sessiyası çerçivesinde Ukraina vekilleri qırımtatarlarğa ve olarnıñ aq-uquqlarını qorçalav meselesine munasebet deñişkenini tarif etecek olalar. Bunı Ukraina haber siyaseti naziriniñ birinci muavini Emine Ceppar Facebookta bildirdi.

«Birleşken Milletlerniñ tamır halqlarnıñ aq-uquqlarına dair Deklaratsiyasınıñ onuncı yıllığını qayd etmek maqsadı ile büyük tedbir başladı. Ukraina çıqışta bulunacaqlarnıñ cedvelinde yedinci yerde», – dep haber etti Ceppar.

New Yorktaki Birleşken Milletlerniñ tamır halqlarnıñ aq-uquqları meseleleri forumı çerçivesinde aprelniñ 24-nde işğal etilgen Qırım ve qırımtatarlarğa bağışlanğan tedbir olıp keçti.

2014 senesi mart 20-de Yuqarı Rada qırımtatarlarnı Qırımnıñ tamır halqı olaraq tanıdı. Bu qararğa 283 deputat qoltutqan edi. Ukraina qırımtatarlarnıñ tamır halqı olaraq etnik, medeniyet, til ve din hususiyetleriniñ saqlap qalması ve inkişafını kefil etmege vade etti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG