Link açıqlığı

Ukrainanıñ Herson vilâyetinde qurulğan yañı damlanıñ qurulışı yarımadadaki vaziyetke tesir etmez. Bu aqta aprelniñ 30-da «RİA Novosti Krım» informatsion agentligine Kreml nezareti altında bulunğan Qırım ükümeti milletlerara munasebetler devlet komitetiniñ yolbaşçısı Zaur Smirnov bildirdi.

«Qırım sakinleri suv qıtlığı çekmey. Yañı damba Qırımdaki vaziyetke iç bir şekilde tesir etmez, o üç yıldan berli suvsız qalğan Qırım sıñırındaki ukrain ziraatçılarını içün qurtarmaq içün daa ziyade kereklidir», - dep bbildirmekte Smirnov.

Daa evel Herson vilâyetiniñ memuriyeti Qırım sıñırında yañı sabit beton bendini işke tüşürgen edi.

Rusiye Qırımnı istilâ etken soñ, yarımadanı Dnepr özeninen bağlağan ekâne suv yolağı olğan Şimaliy-Qırım kanalından suv berilmesi kesilgen edi.

Dneprden kelgen suv kesilmesi neticesinde suvarıluv vastasınen asralğan Qırım ziraatçılığı çoq zarar körgen edi. Qırımnıñ suvarılğan 140 biñ gektar toprağından yerli suv imkânlar qullanaraq suvarılğan yalıñız 17 biñ gektar topraq qaldı. Artıq pirniç asralmay. Bir yıldan soñ suvarılğan topraq alanı 13,4 biñ gektarğace tüşti.

XS
SM
MD
LG