Link açıqlığı

Aqmescitte birinci mayıs demonstartsiyasına bücet saasında çalışqan hadimler çıqtı


Mayısnıñ 1-de Aqmescitte keçken demonstartsiyada kolonnalar Amet-Han meydanından başlayaraq, Kirov prospekti boylâp Sovetskiy meydanına qadar yürip keçtiler. Tedbirde yerli bücet teşkilâtları, muessise ve işhane, hususan mektep, balalar bağçası ve hastahanenelerniñ temsilcileri iştirak etti. Kolonnalarda milliy urba kiygen şeer sakinleri de bar edi, dep bildire Qırım.Aqiqat.

Sovetskaya meydanı kirişinde demostratsiya iştirakçilerini Kreml tarafından tayin etilgen yerli yolbaşçılar Sergey Aksönov, Vladimir Konstantinov, Qırımnı Rusiyede temsil etken senator Olga Kovitidi ve başqaları qarşılap aldılar.

Aqyarda KPRF ve «Spravedlivaya Rossiya» firqaları da birinci mayıs demonstartsiyası keçirdi.Firqalrnıñ yerli yolbaşçıları aylıqlarnıñ az olması ve Rusiyeniñ «oligarhik klanlarnı» areketlerinden dolayı çorlandılar.

Rusiye tarafından işğal etilgen Qırımnıñ şeerlerinde halqara işçiler birdemligi künü qayd etilemekte.

XS
SM
MD
LG