Ukraina prezidenti Petro Poroşenko, Moldovağa insaniy yardımnıñ berilmesi aqqında ferman imzaladı.
Vesiqağa binaen, bu yardım Moldovada küçlü qar aqibetinde yüz bergen felâketniñ aqibetlerini al etmek içün berildi.
Moldovağa insaniy yardımnıñ berilmesini Ukraina Nazirler Şurası çezmek kerek.
Bundan evel bu afta Nazirler Şurası fena avanıñ aqibetlerini yoq etmek içün Moldovağa 10 million grivnâ ayırmağa qarar alğan edi.
Moldovada pek çoq qar yağğan soñ yüzlernen mesken yerlerde elektrik aqımı kesilgen edi, avanıñ fenalaşqanı sebebinden fevqulâde vaziyet ilân etildi.
