Britaniya tışqı işler naziri Boris Johnson Avrupa memeleketleriniñ mustaqilligine qol tutaraq, Qırımnıñ işğalini tanımaqnı red ete. Onıñ noqtai-nazarını arpelniñ 27-nde Sky News neşir etti.
“Biz Avrupa memeleketleriniñ mustaqilligi ve topraqlarınıñ bütünligine israr eterek, Qırımnıñ qanunsız işğalini tanımaqnı red etemiz”, - dep qayd ete Johnson.
Daa evel Büyük Britaniya tışqı işler naziri Boris Johnson aprelniñ 10-na planlaştırğan Rusiye ziyaretini lâğu etken edi.
Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
