Link açıqlığı

Aksönov Qırım plâjlarınıñ teptipke ketirilmesini talap ete


Kreml tarafından tayin etilgen Qırım ükümetiniñ yolbaşçısı Sergey Aksönov şeer ve rayon yolbaşçılarınen keçirgen toplaşuvında vazife bererek, yarımada plâjlarınıñ tertipke ketirilsini talap etti.

Kreml nezareti altında bulunğan Qırım ükümetiniñ matbuat hızmeti bildirgenine köre, toplaşuvda plâjlarnıñ 2017 senesi deñiz sezonına azırlanması ve bücet paralarınıñ qullanılması kibi meseleler muzakere etildi.

«Plâjlarnıñ temizlenmesine iç bir şey keder etmemeli. Teptipke ketirmek kerekmiz. Plâjlar keyfiyetli olsa – kelgen turistlerniñ sayısı da artar», - dep aytqan Aksönov toplaşuvda.

Onıñ aytqanına köre, plâjlar talap etilgen seviyede azılanğanını teşkermek maqsadınen mayıs ayında reydler keçirilecek eken.

Keçken tatil künlerinde Kezlevde ava şartlarınıñ uyğun olmağanı sebebinden umunqırım ekologik talaqası lâğu etilgen edi. Talaqa çerçivesinde mayısnıñ 1-nde açılacaq yerli plâj ve şifahanelerniñ kurort sezonına azırlanmasınen bağlı işler keçirilmesi qararlaştırıla edi.

XS
SM
MD
LG