Qırımtatar asıllı ukrain yırcısı Jamala aprel 26 künü qırımtatar faali Seit-Bekir Suleymanov ile nikâhlandı. Bunı o Facebookta haber etti.
Jamala: «Tou künü. Biz Seit-Bekinen ömür arqadaşları oldıq! Er kesge hayırlavlar içün teşekkür bildirem!» – dep yazdı
Nikâh merasimi qırımtatar milliy adetlerine köre Kyivde İslam medeniy merkezinde ötkerildi.
Aprelde Jamala sevgilisine bağışlanğan yañı yırını taqdim etken edi.
Qırımtatar asıllı ukrain yırcısı Jamala 2016 senesi İşveçyede «Eurovision» yır yarışınıñ ğalibi oldı. Qırımtatar halqınıñ sürgünligini añlatqan «1944» yırı ile çıqışta bulunğan edi.
