Link açıqlığı

Avrupa Şurasında işğal etilgen Qırımdaki qırımtatar aileleriniñ faciası aqqında film kösterildi


«Bu rüzgâr kesilgende» adlı filmden alınğan kadr

24 aprel bazarertesi künü Avrupa Şurasında polonyalı rejissör Aniela Astrid Gabryelniñ Rusiye tarafından işğal etilgen Qırımda qırımtatarlarınıñ taqdiri aqqındaki «Bu rüzgar kesilgende» (When Will This Wind Stop) adlı vesiqalı film kösterildi. Bu aqta öz Facebook saifesinde PASEdeki ukrain eyyetiniñ yolbaşçısı, Ukraina halq deputatı Vladimir Aryev yazmaqta.

«Avrupa Şurasında qırımtatar aileleriniñ faciası aqqındaki filmniñ premyerası kete. «Bu rüzgar kesilgende» (When Will This Wind Stop) adlı Polonya-Ukraina ortaq çekilgen filmi IDFA (Amsterdam) filmler festivalindeki bir nominatsiayada birincilikni qazanğan edi. Elbette, kösterilüvi PASE prezidenti Agramuntnen bağlı qavğanıñ tamam ortasına tüşti amma, kene deduyğulandırğan bir iş. Em de mında assambleyanıñ sert muitinden bir saniyege de olsa qopmağa istegen ve Rusiye istilâsı altında yaşağan qırıtatarlarınıñ taqdirini qasevet etkenler keldi», - dep yaza Aryev.

Polonyalı rejissör Aniela Astrid Gabryelniñ «Bu rüzgar kesilgende» (When Will This Wind Stop) adlı filmi ukrain yarımadası Rusiye tarafından işğal etilgenden soñ, qırımtatar qorantalarınıñ yaşayışı nasıl deñişkenini köstermekte. Pragada «Bir dünya» (One World) festivali çerçivesinde çeh vesiqalı filminiñ prenyerası numayış etildi.

Daa evel, PASE toplaşuvında Avrupa Şurası Parlament assambleyasında deputatlar, onıñ prezidenti Pedro Agramuntnıñ rusiyeli eyyetnen beraber Suriyeni ziyaret etkenini izaat etmesini talap etilüvinen bağlı buhranlı vaziyet yüz bergeni aqqında haber etilgen edi.

XS
SM
MD
LG