Kreml tarafından tayin etilgen Qırım ukümetiniñ yolbaşçısı Sergey Aksönovnıñ aytqanına köre, yarımada «diversiyağa qarşı küreç alıp barğan» rusiyeli havfsızlıq küçleri tarafından qorçalanmaqta. Mütenasip beyanatnı Aksönov rusiyeli НТВ telekanalına bergen intervyüsındabildirmektedir.
«Qırım (QA -Vladimir Putin Rusiye) prezidentniñ (avalesine binaen o qısımnıñ qalesi vazifesini eda etmektedir. Mında er angi destruktiv vaziyet meydanğa ketirme teşebbüsleri faydasız. Fedaral merkez bizge er zaman yardım ete ve bugünki künde Qırımdaki bütün hızmetler ihtisaslı mutehassıslarnen temin etilgen sayıla. Telükesizlik çareleri FSB, MVD, Mudafaa nazirligi tarafından tolusınen temin etilgendir, elbette ve ilk-evelâ er angi bir tecavuzğa qarşı qorunmaq içün yeterli küçler mevcuttır. Diversiyağa qarşı küreşni hususiy hızmetler yürsetmekte. Qırımdaki vaziyet sakin, iç bir türlü telüke yoq», - dep ayttı Aksönov.
Telükesizlik sisteması «yıl sayın qaviyleitirile», dep ilâve etti o.
2017 senesi aprel ayınıñ başında Rusiye Mudafaa nazirliginiñ yolbaşçısı Sergey Şoygu Qırımdaki Rusiye ordusınıñ yañı silâlarnen donatılması aqqında ilân etken edi.
Ukraina keşifçileri istilâ etilgen Qırım ep arbiyleştirilgeni aqqında haber ete. Rusiye yarımadağa arbiy tehnika ve asker ketirmege devam etmekte.
2016 senesi Ukraina milliy telükesizlik ve mudafaa Şurasınıñ kâtibi Aleksandr Turçinov Rusiye faal sürette arbiyleştirgen Qırım tarafından telüke bar olğanı aqqında beyan etken edi.
