Rusiyeniñ nezaretinde çalışqan Qırım akimiyetiniñ yolbaşçınıñ muavini Georgiy Muradov dey ki, Çin şirketleri yarımadada bir sıra leyharnıñ eda etilmesini başlattı. Bunı Rusiyeli RİA Novosti.Krım agentligi haber ete.
Muradovnıñ sözlerine köre, Asiyalı şirketler, Avropalılarğa nisbeten, Qırımda «daa da raatlar», çünki öz niyetlerinde sanktsiyalarnen sıñırlı degiller.
Baş nazir muavini: «Bugünki künde Qıtay – eñ büyük iqtisadiy devlettir, bu sebepten olarğa sanktsiyalar iç te meraqlı degil, asıl emiyetsiz ve iç bir şekilde tesir etmey. Bunı bizge ciddiy yatırım yapmağa istegen ortaqlarımız aytmaqtalar. Çin şirketleri endi Qırımğa kire, Qırımda çalışalar, ayrıca, Aqmescitniñ avalimanı kibi büyük leyhalarda almağa işleyler», – dep tasdiqlay.
Georgiy Muradov, Çin şirketleri Qırımda artacaqlarından emin olğanını ayta.
Ukraina akimiyeti, AB ve AQŞ yolbaşçıları Rusiyeniñ qanunlarını Qırımda qabul etmegenleri içün, 2014 senesinden berli Qırımda sankstiyalar rejimi üküm sürmekte.
