Link açıqlığı

Qırımlılarnı yaqın üç kün devamında suvuq olacağı aqqında tenbiyelediler


Qırımda aprel 23-25 künleri ava suvuq olacağı tahmin etilmekte. Bunı Qırımdaki Rusiye Fevqulâde vaziyetler nazirliginiñ matbuat hızmeti bildirdi.

«Qırım gidrometeorologiya ve tabiat monitoringi idaresiniñ» malümatına köre, aprel 23, 24, 25 künleri gece ve saba Qırımnıñ çöl ve dağ yanındaki rayonlarında ava sıfırdan aşağı 3-0 dereceni teşkil etecektir», – dep qayd etildi.

Ava bozulğanı içün Keriç parom keçitiniñ işi vaqtınca toqtatıldı. Aprelniñ 21 künü sabadan başlap Aqyar körfezinde yolcu katerleriniñ areketi de toqtatıldı.

Qırımda aprelniñ 19-ndan başlap ava bozuldı: yel quvetleşti, bazı yerlerde qar yaqa. Qırımdaki Rusiye Fevqulâde vaziyetler nazirliginiñ idaresi yarımadada furtuna havfını ilân etti.

XS
SM
MD
LG