«Başqasınıñ duası» filminiñ ukrain ekranlarına çıqamasına bir ay qalğanda levhanıñ resmiy treyleri yayınlandı. Bun film rejissöri Ahtem Seitablayev Facebookta bildirdi.
«Ürmetli dostlarım! «Başqasınıñ duası» (iş adı «Onıñ yüregi») filminiñ resmiy tizeri ve filmimizniñ ilânını taqdim etem», – dep yazdı Seitablayev.
O, levha üzerinde çalışqan taqımğa teşekkürler bildirip, film mayısnıñ 18-de ukrain kinoteatrleriniñ ekranlarına çıqacağını hatırlattı.
Qırımtatarı Sayde Arifovanıñ qaramanlığını añlatqan «Başqasınıñ duası» filminiñ premyerası mayısnıñ 18-de Kyivdeki «Ukraina» kinoteatrinde olacaqtır.
Ahtem Seitbalayev Qırım.Aqiqatqa izaat berip, «Onıñ yüregi» iş adınen çıqarılğan film üzerinde işi yekünlengenini bildirgen edi.
Levha üzerinde çalışmağa başlağanlarını rejissör Ahtem Seitablayev ve prodüser İvanna Dâdüra 2015 senesi dekabr ayında bildirgen ediler. Çekimler Ukraina, Gürcistan ve İsrailde oldı. Film bücetiniñ 50%-nı Ukrainanıñ kino işleri devlet agentligi, yarısını şahsiy yatırımcılar qarşıladı. Film stsenariyi Bağçasaray sakini Sayde Arifovanıñ (1916 – 2007) ikâyesine esaslana. O, Qırımnıñ alman işğali vaqtında 88 yeudiy balasını qurtardı.
