Link açıqlığı

Qırımlılarğa yarımadanıñ eñ temiz şeerini saylamağa teklif etile


Aqmescitteki Sevgi merdiveninde çöplük cıyıştırılması, arhiv fotoresimi

Kreml kontrol etken Qırımnıñ ekologiya ve tabiat resursları nazirligi «Krıminform» haber agentliginen beraber qırımlılarğa ve yarımada musafirlerine işğal etilgen Qırımnıñ eñ temiz şeerini saylamağa teklif ettiler. Bunı Qırımnıñ Rusiye ükümetiniñ matbuat hızmeti aprelniñ 18-de haber ete.

«Soravnıñ maqsadı – ealiniñ yaşağan yeri, raatlıq, tabiat ile munasebetler ihtiyaclarınıñ qarşılanması ceetinden şahsiy isteklerini bilmektir», – dep qayd etti Kreml kontrol etken Qırımnıñ kurort ve tabiat resursları naziri Gennadiy Narayev.

Matbuat hızmeti bildirgenine köre, er kes cevap bere bile: «Qırımnıñ angi şeerini ekologik ceetinden telükesiz ve temiz dep sayasıñız?». Cevapnıñ 16 variantı berile.

Neticeler 2017 senesi mayısnıñ 15-den soñ aydınlatılacaqtır.

2017 senesi yanvar ayınıñ soñunda Kreml kontrol etken Qırım ükümeti qalımtılar programmasını tasdıqladı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG