İşğal etilgen Qırımdaki uquq qoruyıcılar Radio Svoboda jurnalisti Nikolay Semenağa qarşı birleşip, onı susturmağa tırışalar. Bunı qabaatlanğannıñ advokatı Aleksandr Popkov Qırım.Aqiqatqa bildirdi.
«Nikolayğa qarşı birleşip kelgen gruppa – taqiqatçı ve faller – onı jurnalist, farqlı fikirde olğan insannı olaraq susturmağa tırışa», – dep ayttı Popkov.
Semenanıñ özü qayd etkenine köre, taqiqatnıñ qabaatlav meyili iş başlağanından berli is etile.
«Taqiqat keçirilgen vaqıttan berli qabaatlav meyili is etile edi, işke qabaatnı isbatlağan fakt ve vesiqalar ilâve etile edi. Taqiqat advokatlarnıñ muracaatlarına qulaq asmadı, olar ise bu işte cinayet olmağanını qayd etmege rica etken ediler», – dep qayd etti jurnalist.
Kreml kontrol etken Aqmescitniñ Jeleznodorojnıy mahkemesinde aprel 18-de Qırım jurnalisti Nikolay Semenağa qarşı cinaiy iş boyunca daa bir mahkeme oturışı olıp keçti. Rusiye akimiyeti onı Rusiye topraq bütünligini bozmaq çağıruv yapqanında qabaatlay.
Sorğuğa bir şaat keldi – Yuliya Kojemâkina. O, Nikolay Semenanıñ maqalesi basılğan internet saifesi baqılğanınıñ şaatı olğan edi. Şaat advokatlarnıñ suallerine cevap berip olamadı.
Dekabr 7-de taqiqatçı jurnalist Nikolay Semenağa Rusiye Ceza kodeksiniñ 280.1 maddesiniñ 2-nci qısmındaki «Rusiye Federatsiyasınıñ topraq bütünligini bozacaq areketlerge açıq çağıruv yapması» ile qabaatlanğanını aydınlattı. Taqiqatçı tizgen cinaiy iş 6 cılttan ibaret.
FSB sorğusında Nikolay Semena yazğan işlerinde «fikirini bildirme» aqqını qullandı, dep bildirdi.
Qırımtatar halqınıñ lideri, Ukraina halq deputatı Mustafa Cemilev Nikolay Semenanı «namuslı bir jurnalist» olaraq adlandırıp, onıñ kibi insanlar «işğal etilgen Qırımda basqıncı rejimge razı olmağanını» qayd etti.
Ukraina milliy jurnalistler ittifağınıñ reisi Sergey Tomilenko Semenanıñ mahkeme esnasını «adaletsiz bir mahkeme» dep adlandırıp, onı medeniy bir areket şeklinde kösterece olalar, dep ayttı.
Nikolay Semenanıñ advokatları, Halqara ve Avropa jurnalistleri Federatsiyası, em de OSCE ifade serbestligi meseleleri Temsilcisiniñ ofisi, FSBge muracaat etip, onı Qırımdan tedaviylenmesi içün yibermege çağırdı, lâkin müsbet cevap şimdige qadar daa berilmedi.
Ukraina Tışqı işler nazirligi işğal etilgen Qırımda Ukraina vatandaşları, şu cümleden Nikolay Semenanıñ taqip etilmesinden qasevetlengenini bildirip, oña qarşı yapılğa basqını toqtatmağa çağırdı.
